२०७८ कार्त्तिक ४ गते / 21st Oct 2021, Thursday
investment investment

२१ औं वर्षमा शिक्षा पत्रकार समूह

शिक्षामा कलम चलाइरहेका पत्रकारहरुको संस्था पत्रकार समूह दुई दशक पार गरी २१ औं वर्षमा प्रवेश गरेको छ ।


आमसञ्चार माध्यममा शिक्षा क्षेत्र विशेष सामग्रीले प्राथमिकता नपाइरहेका अवस्थामा ‘शिक्षा विट’ स्थापित गरी शैक्षिक मुद्दा उठाउनका लागि पत्रकारहरु मिलेर २०५७ सालमा शिक्षा पत्रकार समूह स्थापना गरेका थिए । समूहको संस्थापकहरुमा राजन शर्मा, हरि थापा, सुदर्शन घिमिरे, माधवी भट्ट, भूपराज खड्का, देवेन्द्र भट्टराई, पदम गौतम, गणेश बस्नेत, जगत नेपाललगायत हुनुहुन्थ्यो । संस्थापक अध्यक्ष राजन शर्मा हुनुहुन्थ्यो । समूहको अहिलेसम्म अध्यक्ष बनिसक्नुभएका पत्रकारहरुमा राजन शर्मा, हरि थापा, सुदर्शन घिमिरे, भूपराज खड्का, नारायण अमृत, प्रकाश सिलवाल, सुदर्शन सिग्देल, दीपक दाहाल, रोश्ना सुब्बा र तुला अधिकारी हुनुहुन्छ । 


शिक्षा पत्रकार समूहको स्थापना गर्नुमा तीन उद्देश्य रहेको संस्थापक अध्यक्ष राजन शर्मा बताउनुहुन्छ । ‘पहिलो उद्देश्य शिक्षाबारे पत्रकारहरुबीच आफैमा बहस गरी एजेण्डा बनाउने थियो । दोस्रो, शिक्षाको विषयलाई मूल प्रवाहीकरण र तेस्रो, शिक्षा पत्रकारले आम जनता, शिक्षक–विद्यार्थी, सरोकारवाला, शिक्षाविद् तथा सरकारबीच सूचना आदानप्रदान र समन्वय गराई पुलको काम गर्ने थियो,’ शर्माले भन्नुभयो ।


समूहले प्रारम्भकालदेखि नै शिक्षाका नीतिगत र समसामयिक विषयमा साप्ताहिक अन्तर्क्रिया गर्दै आएको छ । मूल धारका छापा र विद्युत्तीय सबैखाले आमसञ्चार माध्यममा कार्यरत पत्रकारलाई शिक्षामा लेख्न प्रोत्साहन गर्दै आएको समूहले गहन अध्ययन गरी ‘टेकोले धानेको घर’, ‘शिक्षाका चार मुद्दा’, ‘कसीमा निजी विद्यालय’, ‘विद्यालय शान्तिक्षेत्र’, ‘शिक्षामा कार्टुन: चित्रविचित्र’, ‘विद्यालयमा माध्यम भाषा’लगायतका महत्वपूर्ण पुस्तकहरु प्रकाशन गरिसकेको छ । साथै, विद्यालय बाहिर रहेका बालबालिकालाई भित्र्याउन सरकार र गैरसरकारी संघ–संस्थासितको सहकार्यमा विभिन्न अभियानहरुमा सरिक हुँदै आएको छ ।


समूह २१ औं वर्षमा प्रवेश गरेको अवस्थामा यसको सातै प्रदेशहरुमा समन्वय समिति गठन भइसकेको छ । समूहले हरेक फागुन ५ लाई स्थापना दिवशका रुपमा मनाउँदै आएको छ । यही दिन साधारणसभा गरिँदै आएपनि २०७७ बाट भने भदौबाट गर्न थालिएको छ । शिक्षामा काम गरेका व्यक्तित्वहरुलाई वार्षिकोत्सवका दिन सम्मान गर्ने प्रचलनमा रहेको समूहले यो वर्ष भने कोरोनाा महामारीले अफ्ठ्यारो पारेका कारण सम्मान कार्यक्रम राखेको छैन । समूहले २१ औं वार्षिकोत्सव काभ्रेपलाञ्चोकको धुलिखेलमा सदस्यहरुका साथ मनाउने कार्यक्रम राखेको छ । ‘निश्चय पनि वार्षिकोत्सवमा हुने छलफलबाट हामीले थप उर्जा पाउँनेछौं,’ समूहका अध्यक्ष तुला अधिकारीले भन्नुभयो ।

 

 

प्रमुख समाचार

 सिमकार्डमार्फत् सियुजी सेवा: लक्ष्य ३४ लाख विद्यार्थीमा पुर्याउने, जोडिए ५ हजार मात्रै  सिमकार्डमार्फत् सियुजी सेवा: लक्ष्य ३४ लाख विद्यार्थीमा पुर्याउने, जोडिए ५ हजार मात्रै

सरकारले कोरोना महामारीका बेला वैकल्पिक सिकाइका लागि भन्दै ३४ लाख विद्यार्थीलाई सियुजी (क्लोज युजर ग्रुप) सेवामा जोड्ने लक्ष्य राखेपनि जम्मा ५ हजार बाल ...

‘सेल्फ सेन्सरसिप’ले कार्टुन पत्रकारिताको मर्म बच्न नसक्ने निष्कर्ष ‘सेल्फ सेन्सरसिप’ले कार्टुन पत्रकारिताको मर्म बच्न नसक्ने निष्कर्ष

‘सेल्फ सेन्सरसिप’ अर्थात् स्व–नियन्त्रणले कार्टुन पत्रकारिताको मर्म बच्न नसक्ने कार्टुनिष्ट तथा पत्रकारहरुले औंल्याएका छन् । कार्टुन ...

गुरुत्वाकर्षण न्यूटनले पत्ता लगाए भन्ने पाठ परिवर्तन हुनु पर्छ: प्रधानमन्त्री गुरुत्वाकर्षण न्यूटनले पत्ता लगाए भन्ने पाठ परिवर्तन हुनु पर्छ: प्रधानमन्त्री

प्रधानमन्त्री केपी शर्मा ओलीले गुरुत्वाकर्षणको सिद्धान्त पश्चिमा वैज्ञानिक सर आइज्याक न्यूटनभन्दा पनि अघि पूर्वीय विद्वान तथा गणितज्ञ भाष्काराचार्यले ...