२०७८ बैशाख ९ गते / 22nd Apr 2021, Thursday
investment investment

९० लाख विद्यार्थीको शैक्षिक क्षतिबारे एक शब्द पनि नखर्चिनु अचम्म !


सरकारको नीति तथा कार्यक्रममाथि टिप्पणी


कोरोना भाइरसले पुर्याएको शैक्षिक क्षतिबारे सरकारद्वारा २०७७/०७८ का लागि प्रस्तुत नीति तथा कार्यक्रममा एक शब्द पनि खर्च गरिएको देखिएन । 


राष्ट्रपति विद्यादेवी भण्डारीले शुक्रबार संघीय संसदको संयुक्त बैठकमा प्रस्तुत गर्नुभएको सरकारको नीति तथा कार्यक्रममा सबै सार्वजनिक माध्यमिक विद्यालय तथा क्याम्पसमा सूचना प्रविधि प्रयोगशाला र उच्च गतिको इन्टर्नेट सेवा पुर्याइने उल्लेख गरियो । साथै, विद्युत्तीय शिक्षण सामग्री उत्पादन गरी अनलाइन शिक्षण गर्ने व्यवस्था मिलाउने भनिएको छ । तर, बालविकासदेखि कक्षा १२ सम्मका ८२ लाख ५८ हजार ७८३ र उच्च शिक्षाका झण्डै ७ लाख विद्यार्थी यतिबेला कोभिड–१९ को जोखिमका कारण घरमै लकडाउनमा छन् । उनीहरुलाई कोभिड–१९ ले पारिरहेको प्रभावका विषयमा केही पनि सम्बोधन नगरिनुलाई आश्चार्यका रुपमा हेरिएको छ । बालबालिकामा परिरहेको मनोवैज्ञानिक असर तथा समग्रको शैक्षिक क्षति विद्युत्तीय शिक्षण सामग्री तयारी र माध्यमिक विद्यालयमा इन्टर्नेट जडानले पूरा हुन्छ र ? नीति तथा कार्यक्रममाथि राष्ट्रपतिको सम्बोधनलाई लिएर अहिले यही प्रश्न उब्जिएको छ ।


एसइइ, कक्षा ११ तथा प्राविधिक धारका परीक्षाहरु स्थगित छन् । मानसिक रुपमा तनाबमा परेका विद्यार्थीलाई ढाडस दिने प्रकारको कुनै पनि शब्द राष्ट्रपतिको सम्बोधनमा देखिएन । ‘कमसेकम मानसिक स्वास्थ्य परामर्श दिने र यसका लागि प्रत्येक स्थानीय तहमा परामर्श केन्द्रहरु स्थापना गर्ने कार्यक्रम भइदिएको भए विद्यार्थीमा तत्काल देखिएको समस्या टर्नेथियो,’ शिक्षाविद् प्रा.डा. मनप्रसाद वाग्लेको टिप्पणी छ । शब्दै खर्च नगरिएको भएपनि कार्यक्रमले इन्टर्नेट जडान र विद्युत्तीय शैक्षिक सामग्रीको व्यवस्था गर्ने भन्नुचाहिँ तत्कालका लागि नभएर ‘पोस्ट कोभिड–१९’ लाई सम्बोधन गर्न खोजिएको प्रा.डा. वाग्लेको बुझाइ छ । ‘अहिले नै कार्यक्रममाथि नकारात्मक नहोऔं तर घोषित कार्यक्रम पनि पूरा हुने/नहुने आउँदो बजेट भाषणले तय गर्छ,’ उहाँको प्रतिक्रिया छ ।

त्यसो त, यो पल्ट पनि शिक्षा बजेटको कूल प्रतिशत नबढ्ने संकेत सरकारी अधिकारीहरुले दिइसकेका छन् । इन्टर्नेट जडान हुन नै एक वर्ष लाग्न सक्छ । त्यत्तिञ्जेल विद्यार्थी नपढी बस्ने हो ? परीक्षाका सन्दर्भमा खोई सम्बोधन ? नीति तथा कार्यक्रम सुन्नेहरुको प्रश्न छ ।

प्रमुख समाचार

‘सेल्फ सेन्सरसिप’ले कार्टुन पत्रकारिताको मर्म बच्न नसक्ने निष्कर्ष ‘सेल्फ सेन्सरसिप’ले कार्टुन पत्रकारिताको मर्म बच्न नसक्ने निष्कर्ष

‘सेल्फ सेन्सरसिप’ अर्थात् स्व–नियन्त्रणले कार्टुन पत्रकारिताको मर्म बच्न नसक्ने कार्टुनिष्ट तथा पत्रकारहरुले औंल्याएका छन् । कार्टुन ...

गुरुत्वाकर्षण न्यूटनले पत्ता लगाए भन्ने पाठ परिवर्तन हुनु पर्छ: प्रधानमन्त्री गुरुत्वाकर्षण न्यूटनले पत्ता लगाए भन्ने पाठ परिवर्तन हुनु पर्छ: प्रधानमन्त्री

प्रधानमन्त्री केपी शर्मा ओलीले गुरुत्वाकर्षणको सिद्धान्त पश्चिमा वैज्ञानिक सर आइज्याक न्यूटनभन्दा पनि अघि पूर्वीय विद्वान तथा गणितज्ञ भाष्काराचार्यले ...

शिक्षा सचिवको सरुवा, मैनालीको ठाउँमा थपलिया शिक्षा सचिवको सरुवा, मैनालीको ठाउँमा थपलिया

शिक्षा, विज्ञान तथा प्रविधि मन्त्रालयमा सचिव फेरिएका छन् । सचिव गोपीनाथ मैनालीको ठाउँमा युवा तथा खेलकुद मन्त्रालयबाट रामप्रसाद थपलियालाई ल्याइएको छ । ...