२०७८ मंसिर ११ गते / 27th Nov 2021, Saturday
investment investment

१२ वर्षमा हाम्रो अविचलित पाइला...

आजको शिक्षा साप्ताहिकले ११ वर्षलाई विगत बनाएको छ । अर्थात् प्रकाशनको यात्रामा यसले १२ वर्षे पाइला टेकेको छ । अरु कति पाइला टेक्नुछ, मानिसको जस्तो सरदर आयु यसले ल्याएको छैन, न त यसको शुरुवातकर्ताले नै भन्न सक्ने ल्याकत राख्दछ । मानिसको उमेरसँग तुलना गर्ने हो भने यसले भर्खर उत्तरबाल्यावस्था पार लगाउँँदैछ । अखबारी उमेरलाई बुझ्ने हो भने संक्रमणकालीन चार खण्ड यसले व्यतित गरिसकेको छ । पत्रिका शुरु भएको तीन वर्षलाई संक्रमणकालीन अवस्था बुझ्ने परम्परा छ । हो, यो अब परिपक्व बनिसकेको छ । विषयवस्तुका उठानका दृष्टिले । पत्रकारी निरन्तरताको प्रतिबद्धताले ।


१२ वर्षको अविराम यात्रामा यसले कयौं यात्री पाएको छ, जो पत्रकार, लेखक, समाचार स्रोत, पाठक, शुभेच्छुक, विज्ञापनदाता, विकास साझेदार आदि हुन् । यिनमा कति शुरुदेखि साथ दिने छन् त कतिचाहिँ एकछिनको यात्री बनेर भएपनि साथी बनेका छन् । शुरुदेखिकै साथ नछोड्ने सबैभन्दा भरपर्दाे साथीचाहिँ पाठक नै हुन् । पाठकमा पनि विद्यालयका विद्यार्थी–शिक्षक अनि शिक्षा सरोकारवाला खास छन् । आजको शिक्षा साप्ताहिकले उठाउने मुद्दाका सवालमा होस् वा यसको दिगोपनाका निम्ति, कहीँ ठेस लागेर लड्नै आँट्दा होस्टेमा हैंसे गराउने धेरै मित्रहरु पनि यसले पाएको छ । यो एउटा खुशी मात्र नभएर कहिल्यै ननासिने सम्पत्ति पनि हो ।


निश्चय पनि १२ वर्ष अघि २०६४ माघ २७ मा यो थालिँदा नेपालको शिक्षा सुधारका खातिर एउटा खास लक्ष्य राखियो । त्यो लक्ष्यमा हामी कति विचलित छैनौं । सकेसम्म खोजपूर्ण समाचार पस्किएर तथ्यपरक जानकारी दिनु हाम्रो कर्म बन्दै आएको छ । यो यात्रामा दिगोपनाका निम्ति पत्रिकाले निकै जोखिमको सामना गर्दै आउनुपरेको छ । सीमित लगानी छ । वास्तवमा शिक्षाक्षेत्र निस्तो रहेछ । तथापि, दृढ इच्छाशक्तिले मात्र प्रकाशकीय यात्रा अविराम छ । वर्षको ५२ हप्ता नै पाठकलाई भेटिरहन्छ यसले । ‘१२ वर्षमा खोला पनि फर्कन्छ’ भन्ने लोकविश्वासलाई सकेसम्म हामी धर्मराउन दिँदैनौं । बाँकी त स्थायी साथी पाठकहरुकै माया हो ।         
 

प्रमुख समाचार

 सिमकार्डमार्फत् सियुजी सेवा: लक्ष्य ३४ लाख विद्यार्थीमा पुर्याउने, जोडिए ५ हजार मात्रै  सिमकार्डमार्फत् सियुजी सेवा: लक्ष्य ३४ लाख विद्यार्थीमा पुर्याउने, जोडिए ५ हजार मात्रै

सरकारले कोरोना महामारीका बेला वैकल्पिक सिकाइका लागि भन्दै ३४ लाख विद्यार्थीलाई सियुजी (क्लोज युजर ग्रुप) सेवामा जोड्ने लक्ष्य राखेपनि जम्मा ५ हजार बाल ...

‘सेल्फ सेन्सरसिप’ले कार्टुन पत्रकारिताको मर्म बच्न नसक्ने निष्कर्ष ‘सेल्फ सेन्सरसिप’ले कार्टुन पत्रकारिताको मर्म बच्न नसक्ने निष्कर्ष

‘सेल्फ सेन्सरसिप’ अर्थात् स्व–नियन्त्रणले कार्टुन पत्रकारिताको मर्म बच्न नसक्ने कार्टुनिष्ट तथा पत्रकारहरुले औंल्याएका छन् । कार्टुन ...

गुरुत्वाकर्षण न्यूटनले पत्ता लगाए भन्ने पाठ परिवर्तन हुनु पर्छ: प्रधानमन्त्री गुरुत्वाकर्षण न्यूटनले पत्ता लगाए भन्ने पाठ परिवर्तन हुनु पर्छ: प्रधानमन्त्री

प्रधानमन्त्री केपी शर्मा ओलीले गुरुत्वाकर्षणको सिद्धान्त पश्चिमा वैज्ञानिक सर आइज्याक न्यूटनभन्दा पनि अघि पूर्वीय विद्वान तथा गणितज्ञ भाष्काराचार्यले ...