२०७८ मंसिर ११ गते / 27th Nov 2021, Saturday
investment investment

‘अक्षम’को ठाउँमा अयोग्य !

 


शिक्षामन्त्री गिरिराजमणि पोखरेलले एसइइ परीक्षाको नतिजा प्रकाशनमा भएको त्रुटि पछि परीक्षा नियन्त्रक अम्बिकाप्रसाद रेग्मीको जिम्मेवारी खोसेर कार्बाहीस्वरुप मन्त्रालय तान्नुभयो । परीक्षा व्यवस्थापनमा ‘अक्षम’ भनी रेग्मीलाई मन्त्रालय तानेपनि मन्त्री पोखरेलले रेग्मीको जिम्मेवारी आफ्नो जिम्मेवारी पूरा गर्न चुकेका पाठ्यक्रम विकास केन्द्रका कार्यकारी निर्देशक कृष्णप्रसाद काप्रीलाई दिनुभएको छ । किनभने काप्री पनि पाठ्यक्रम प्रारुप निर्माण गरेर यसै वर्ष पाठ्यक्रम लागू गर्छु भनेर लागेका थिए । तर, असफल भए । यसै वर्ष पाठ्यक्रम बनाई नयाँ पाठ्यपुस्तक लागू गर्छु भनेर लोकलाई चकित पार्ने र पछि लुसुक्क हट्ने उनै काप्रीलाई शिक्षामन्त्री पोखरेलले पनिकाको जिम्मेवारी दिनुभएको हो ।


नतिजामा त्रुटि पछि गठित छानबिन समितिले एसइइ परीक्षाको नतिजा प्रकाशनमा प्राविधिक त्रुटि हुँदा विद्यार्थीको ग्रेडसिटमा परिवर्तन आएकोे ठहर गरेको अवस्था छ । अङ्कलाई ग्रेडमा बदल्दा त्रुटि भएको प्रतिवेदनमा जनाइएको बताइन्छ । ६ दिन लगाएर नतिजा प्रकाशनको प्रक्रिया केलाइएको प्रतिवेदनमा ‘मानवीय लापर्बाही नभई प्राविधिक कारणबाट त्रुटि हुन पुगेको’ जनाइएको छ । एउटा विषयमा ०.४ देखि ०.०५ सम्म ग्रेड फरक परेको छ । त्रुटिको प्रकृति ग्रेडसिटअनुसार छुट्टाछुट्टै खालको देखिन्छ । कुनै विद्यार्थीको एउटै विषयमा ०.४ ग्रेड अन्तर देखिन्छ भने कुनै विद्यार्थीको ८ वटै विषयमा ०.०५ का दरले ०.४ जीपीए फरक परेको छ । अधिकांश त्रुटि एउटै प्रकृतिको रहेको पनि प्रतिवेदनमा उल्लेख गरिएको छ ।


छानबिन समितिले प्रतिवेदन बुझाउनासाथ शिक्षामन्त्री पोखरेलले रेग्मीलाई कार्बाही गरेर मन्त्रालय तान्नुभयो । तर, अन्य दोषीका बारेमा कार्बाही प्रक्रिया अगाडि बढेको छैन । परीक्षाजस्तो संवेदनशील विषयमा भएको लापार्बाहीको सत्यतथ्य छानबिन र कार्बाही हुन आवश्यक छ । एउटा कर्मचारीलाई मन्त्रालय सरुवा गर्दैमा कार्बाही भएको मान्न सकिँदैन । यसमा माथिल्ला निकायका कर्मचारीको पनि कमजोरी देखिन्छ । त्यसैले छानबिन समितिको प्रतिवेदन सार्वजनिक गर्दै दोषीलाई कार्बाही गर्नु पर्छ । ताकि यस्ता कमजोरीहरु फेरि नदोहोरिउन् । शिक्षामन्त्री पोखरेलले पनिकामा अक्षम भनी रेग्मीलाई सरुवा गरेपछि त्यहाँको जिम्मेवारी पाठ्यक्रम मुद्दामा अक्षम घोषित भएका काप्रीलाई दिइएको छ ।

वास्तवमा परीक्षा जत्तिकै संवेदनशील विषय हो पाठ्यक्रम । प्रारुप बनाएर पाठ्यक्रम बनाई यसै वर्ष विद्यार्थीको हातमा नयाँ पुस्तक पु¥याउने काप्रीको दाबी एकाएक मत्थर भयो । तर, एक महिनाभित्र पाठ्यक्रम र पुस्तक विद्यार्थीको हातमा पु¥याउने दाबी काप्रीको थियो, कतै अन्तै तयारी अवस्थामा राखिसकिएको पो थियो कि ? नत्र कसरी एक महिनाभित्र छाप्न सकिन्थ्यो र ! भन्ने प्रश्न पनि सरोकार पक्षले उठाएकै हुन् । यस विषयमा पनि शिक्षा मन्त्रालयले छानबिन समिति बनाएर अनुसन्धान गर्न आवश्यक छ । किन एक महिनामा पाठ्यक्रम र पुस्तक तयार हुन्छ भनेको, सरकारले नरोकेको भए त्यो त ल्याउने तयारी नै रहेछ ! त्यसो भए अहिले कहाँ छन् ती पाठ्यक्रम र पाठ्यपुस्तक ? यस विषयमा सरोकार र सरकार दुबैले चासो दिन आवश्यक छ ।

 

प्रमुख समाचार

 सिमकार्डमार्फत् सियुजी सेवा: लक्ष्य ३४ लाख विद्यार्थीमा पुर्याउने, जोडिए ५ हजार मात्रै  सिमकार्डमार्फत् सियुजी सेवा: लक्ष्य ३४ लाख विद्यार्थीमा पुर्याउने, जोडिए ५ हजार मात्रै

सरकारले कोरोना महामारीका बेला वैकल्पिक सिकाइका लागि भन्दै ३४ लाख विद्यार्थीलाई सियुजी (क्लोज युजर ग्रुप) सेवामा जोड्ने लक्ष्य राखेपनि जम्मा ५ हजार बाल ...

‘सेल्फ सेन्सरसिप’ले कार्टुन पत्रकारिताको मर्म बच्न नसक्ने निष्कर्ष ‘सेल्फ सेन्सरसिप’ले कार्टुन पत्रकारिताको मर्म बच्न नसक्ने निष्कर्ष

‘सेल्फ सेन्सरसिप’ अर्थात् स्व–नियन्त्रणले कार्टुन पत्रकारिताको मर्म बच्न नसक्ने कार्टुनिष्ट तथा पत्रकारहरुले औंल्याएका छन् । कार्टुन ...

गुरुत्वाकर्षण न्यूटनले पत्ता लगाए भन्ने पाठ परिवर्तन हुनु पर्छ: प्रधानमन्त्री गुरुत्वाकर्षण न्यूटनले पत्ता लगाए भन्ने पाठ परिवर्तन हुनु पर्छ: प्रधानमन्त्री

प्रधानमन्त्री केपी शर्मा ओलीले गुरुत्वाकर्षणको सिद्धान्त पश्चिमा वैज्ञानिक सर आइज्याक न्यूटनभन्दा पनि अघि पूर्वीय विद्वान तथा गणितज्ञ भाष्काराचार्यले ...